قرش الميجالودون وحش الأعماق megalodon
حجم الميجالودون أضخم قرش فى التاريخ
نعم انت قرأت العنوان صح قرش الميجالودون هو وحش الاعماق
قدره المجلدون على سحق و تكسير العظام تساوي قدرتك علي سحق واكل تين او عنب
الا ان في مخلوق واحد قدر ان ينافس المجلدون وفي بعض الاحيان استطاع ان ينتصر عليه
فيا ترى مين هو المخلوق هذا وما هي قصه قرش الميجالدون
كلهذا سوف نعرفه دعنا نبدا
اثناء فحص العلماء للحفريات حيتان يعود عمرها لاف السنين اكتشفوا ثقوب واثار عضات موجوده في عظم الحيتان وبعد قياس اماكن العضات وفحص اماكنها وعنقها،
استنبطوا ان الكائن الوحيد اللي يقدر يسبب عضة قويه بالشكل ده و بالتجويف العميق ده هو المجالدون ،
قرش الميجالودون هو احد الكائنات البحريه اللي المفروض انقرضت من ملايين السنين،
ومن المعروف ان السلاسل الغذائيه بتبدا من كائنات صغيره بيتغذى عليها كائنات اكبر منها والكائنات الاكبر دي بيتغذى عليها الاكبر منها وهكذا لحد ما تكبر السلسله،
ومن الجدير بالذكر ان المجالدون كان موجود على قمه السلسله الغذائيه بدون اي منازع طول فتره حياته لان في عصره وفي بيئته كان هو الحيوان الاضخم والاقوى على الاطلاق
أكبر قرش فى العالم
كلمه مجالدون الاسم ده ما كانش من فراغ المجلدون عنده 276 سن مترصصين في خمس صفوف و مترتبين بنظام معين عامل زي الكلبشات ،
بحيث انه لو عض اي فريسه ما بيكونش عندها اي فرصه انها تفك نفسها وتهرب زود على كده كمان الفحوصات اظهرت ان في فتره حياته لو كان فقد اي سن من الاسنان بتاعته كانت بتجدد خلال 48 ساعه ،
يا ترى كم تبلغ قوه عضه الميجالدون
ولكى تعرف عضه الميجالدون قد ايه خلينا نقارنها بعضه الديناصورات
تم تقدير عضه الديناصور اللي من النوع تيركس بضغط 5000 كيلو جرام ولو الرقم ده مهول بالنسبه لك،
فلك ان تتخيل ان بعد فحص العظام اللي اكتشفوا عليها اثر عضة الميجالودون اكتشفوا ان قوات عضته تقدر ب 18,000 كيلوغرام يعني قدرة الميجالودون على سحق العظام باسنانه هي نفس قدرتك على سحق ثمره تين بين اسنانك،
اثنااء فحص بعض حفريات الحيتان اللي تمت مهاجمتها بواسطه قرش المجالدون كان ملفت جدا للانتباه ان الاصابات الموجوده نشات بترتيب معين وباسلوب مميز جدا ،
ومن هنا قدر الباحثين انهم يعرفو طريقه الهجوم اللي كان بيستخدمها الميجالودون في البدايه كان بيبدا بمهاجمه زعانف الفريسه اما عن طريق العض او عن طريق الضربات القويه المتوالية،
واول ما زعنفه الفريسه بتتصاب كانت بتتشل تماما و ما بتقدرش تتحرك واحيانا كان قرش المجلدون بيوجه ضربات مباشره علشان يصيب القلب او الرئه مباشره ،
وهذه الاستراتيجيات لا يقوم بها الا كائن ذكي جدا ودقيق جدا في كل حركاته
واحد النظريات المطروحه بتقول ان الميجالودون هو السبب الرئيسي في جعل الحيوانات البحريه اكثر شراسه لانه مع الاستمرار في مهاجمة الحيتان واسماك القرش الاصغر،
اجبر الكائنات دي انها تتصرف بطرق مختلفه و ان هي كمان اكتشفت طرق جديده تدافع بها عن نفسها ومن هنا كانت شراره البدايه اللي جعلت الحيوانات البحريه دي تتحول للمخلوقات عنيفه ومفترسه لحد النهارده ،
اثناء البحث عن الحفريات في المحيطات تم اكتشاف حفريات فيه في كل انحاء العالم في اليابان وبرتريكو وفي امريكا وافريقيا كمان وده تفسير الوحيد،
ان المجلدون كان منتشر في كل المحيطات و في كل المسطحات المائيه باعتباره الاقوى والاعظم في زمنه وان ما فيش اي مخلوق في البحر وقتها كان بيسببله اي تهديد
وفي الوقت اللي بيحين فيه موعد الولاده بينتقل قرش الميجالودون من قاع المحيط ووبيكون قريب من الشاطئ،
لكى يضع اطفاله بعيدا عن الكائنات المفترسه وطفل الميجالدون بيكون طوله حوالي متر و80 سم الغريب ان الام بتخاف ان اطفالها من ان يتم التهامهم بواسطه اي مخلوق ثاني،
فبتفضل هي الحارس الشخصي لهم لحد ما يكبروا ويقدرو يدافعوا عن نفسهم بالرغم من كل الكلام اللي قلناه
الميجالودون ضد اليفايثن
الميجالودون كان مخلوق مرعب ومسيطر على كل المحيطات ما كانش الكائن الضخم الوحيد في الزمن هذا ولكن كان بيشاركوا في الضخامه الحوت الابيض ليفايثن،
وصل طول الحوت ده ل 18 متر يعني يعادل فى طوله عماره مكونه من ست طوابق بالاضافه كمان لان وزنه كان بيوصل لي 50 طن وكان عايش مع الميجالدون في نفس الفتره الزمنيه وفي نفس المسطحات المائيه وكانوا كمان بيتغذوا على نفس الغذاء
كيف انقرض الميجالودون
يعتقد العلماء ان فى احدى الفترات بدات اعداد كبيره من الحيتان و المخلوقات البحريه تهاجر تدريجيا للمناطق القطبيه وبالتالي بدات اعداد الحيوانات اللي بيتغذي عليها الميجالدون هي كمان تقل بالتدريج،
مما تسبب في خلل في النظام الغذائي للميجالودون وزود الخطر على حياته وخصوصا انه تم تقدير الاحتياجات اليوميه من الغذاء بالف 130 كيلو غرام،
و الميجالودون ما بيقدرش يعيش غير في المياه الدافئه ومع ظهور العصور الجليديه ادى الى تبريد المحيطات لدرجه حراره منخفضه جدا،
وده اللي اثر على حياه الميجالودون وادي الى انقراضه الا ان بعض العلماء لازال يعتقد بوجود قرش الميجالدون حتى يومنا هذا وبعضهم ذهب الى انه يعيش في اعماق مكان على وجه الكره الارضيه وهي خندق ماريانا،
وفي النهايه وبكده اختفت سلاله الميجالدون تماما من على وجه الارض وحله بدلها سلالات ثانيه و مخلوقات بحريه ثانيه لتبدا نوع جديد من الحياه السمكيه ،
ويا ترى ايه اللي ممكن يحصل لو الميجالدون لسه عايش لحد النهارده سيبوا لنا رايكم في التعليقات
تعليقات: 0
إرسال تعليق